قصيدة “المال والنسيان” لـ “أحمد حسن اللبان”

قصيدة “المال والنسيان” لـ “أحمد حسن اللبان” أحمد حسن اللبان

انا ببكي وصوتي سمع ال مات..

عشان كل ال فات..

وطلع من قبره وقلي..

الله يرحملك ال مات.

احنا مش نقصين منك حكايات..

وقتها عرفت ان ال فات..

كان لازم ادوس عليه..

واطلع من المتاهات..

ربنا صبرني علي كل ال فات ..

وبدأت بداية..

تتكتب فيها حكايات..

صحبت اتنين واعتبرتهم اخواتي..

وياريتني ما دخلتهم حياتي..

المال والنسيان ..

المال اخدني لسكه التوهان..

خلاني دوست علي ال مني..

ومحستش بعده بالحرمان..

قوي قلبي ونساني..

اهلي وحبايبي وجيراني ..

اهلي ال قلقوا منامي..

ومن علي فرشتي النوم بقي حرماني ..

وبخلت عليهم بكل جنيه..

والمال خلاني تحت رجليه..

الله يسامحك عملتي فيا ايه..

بيعتني اهلي بشويه ورق..

مكتوب عليه ..

واحبابي ال كانوا عيشين عشاني..

لو غلطت نصحوني..

ولا عمرهم لاموني..

ولا حتي من حبهم حرموني..

كانوا معايا في الطريق نعم الصديق..

وبعدت عنهم اول ما وقعوا في الضيق..

وجيراني ال كنت في بيتهم باكل واشرب..

ويوماتي بنام ..

وقتها كنت باحس اني في امان ..

ولما كنت احس اني واحداني..

كانوا هم اهلي واماني ..

وماعتبرونيش ضيف تقيل ..

ولا حتي ميسويش..

عاملوني بالإحسان والمعروف..

وقالولي يارب تعيش..

ولما الزمان حني ضهرهم ..

وفكروا اني ممكن احمهم..

وانا كالعادة بخلت عنهم..

ودا المال لما يتسلط علينا..

بيخلينا نتخلي عن اغلي ما فينا ..

ناسا وجيرانا واحبابا واهلينا..

والنسيان دا مواله موال..

رحمنا من كل ال هان ..

هون علينا مراره الفرقه والغربه والحرمان ..

حرمنا من شعور الذنب لأهلنا..

ال فرطنا فيهم كدا لوحدنا ..

اهو المال ال بنقتل عليه نفسنا ..

حرمنا حتي من اهلنا ..

بعنا عشانو نفسنا ..

وخسرنا منا ناسنا واحبابا واهلنا..

لكن نظره منهم تكفينا..

وبها نعيش اهلي ما فينا الله ..

يلطف بينا ..

ويحفظ اهلينا.

الوسوم